Comunicato ARC/EP [Foto Montenero]
Udin, ai 12 di Dicembar – Te suaze de discussion de finanziarie 2014 il cjâf grup dal PD Cristiano Shaurli al à presentât un ordin dal dì che al domande l'impegn de Zonte regjonâl a garantî i finanziaments che a coventin par l'insegnament dal furlan tes scuelis pal an scolastic 2013-14. "Il furlan – al à dit Shaurli – al à di jessi vivût tant che une lenghe vive. I dâts a disin che pal an scolastic 2013-2014 la percentuâl des fameis che a àn sielzût l'insegnament facoltatîf de lenghe furlane pai lôr fruts al è dal 59 par cent tai istitûts comprensîfs statâi e dal 73 par cent tes scuelis paritariis. Al è impuartant capî che il percors educatîf plurilengâl nol è dome une valorizazion de specificitât de nestre regjon, ma ancje une grande oportunitât pai nestris fiis: une robe, cheste che a àn capît ducj tal rest de Europe". Tal ordin dal dì si domande l'impegn de Zonte a meti la adeguade cuvierture finanziarie par no interompi la continuitât des esperiencis za inviadis tai diviers istitûts e no sfantât ancje il risultât concuistât fin cumò. ARC/EP
